JP Galeria - шаблон joomla Форекс

Кратка биографија

Дора Попова Узуновски е дипломиран психолог на Филозофскиот факултет при институтот за психологија и магистер на психолошки науки во областа на клиничката и советодавната психологија. Основач е на Центарот за применета психологија “Дора“ во Скопје од 2015-та година каде се уште активно работи.

Љубовта кон психологијата и психотерапијата ѝ се појавува уште во средношколските години и без двоумење, за себе ќе рече: „Уште од тогаш бев свесна за мојата професионална определба и мисија во животот и знаев дека еден ден ќе седам во фотелјата со клиентите спроти мене на кои ќе им помагам да ја пронајдат својата автентична природа и според неа да ја искреираат најсреќната верзија од себе“. Со доследна посветеност ја остварува својата цел и секојдневно работи на  одржување на нејзината свежина преку константна работа на себе за да може да им служи на сите оние на кои им е потребна. 

Дора е гешталт терапевт при Интернационалниот гешталт институт на Македонија и обучен социотерапевт со основи на гешталтот при Зорба консалтинг-Центар за применета психологија. Меѓутоа, покрај изборот на гешталтот како правец во психотерапијата, таа во својата работа постојано интегрира и применува основни техники од различни други пристапи како што се когнитивно-бихејвиоралната психотерапија, неорајхијанската практика, психоанализата, психодрамата и семејните констелации. 

Покрај психотерапијата, нејзина втора љубов е писателството и таа е автор на романите „Превртена љубов“ и „Синиот час“ кои се во издание на Матица Македонска. Сака да пишува за семејни и романтично љубовни теми, каде главниот фокус го става на тоа како интрапсихичките процеси кои се случуваат во една личност влијаат врз градењето на партнерските релации. Низ нејзините романескни приказни се провејува нишката на психологијата и психотерапијата која има лековито дејство за душата на секој човек.